تشکر نیوز، کراچی: ایڈیشنل آئی جی کراچی جاوید عالم اوڈھو نے شاہد حیات پولیس ٹریننگ سینٹر سعیدآباد میں ٹریفک مینجمنٹ کورس (139/140ویں بیچ) کی گریجویشن تقریب میں بطور مہمان خصوصی شرکت کی۔ تقریب میں ڈی آئی جی ٹریفک، ڈی آئی جی ٹریننگ، پرنسپل شاہد حیات ٹریننگ سینٹر، ایس ایس پیز ٹریفک اور دیگر پولیس افسران بھی موجود تھے۔
کورس کا بنیادی مقصد ٹریفک پولیس کو جدید تربیت فراہم کرنا تھا تاکہ شہریوں کو بہتر ٹریفک مینجمنٹ اور سہولیات فراہم کی جا سکیں۔ تقریب کے دوران ایڈیشنل آئی جی جاوید عالم اوڈھو نے کورس میں نمایاں کارکردگی دکھانے والے افسران کو تعریفی اسناد سے نوازا۔ وہیں، ڈی آئی جی ٹریننگ نے پولیس چیف اور دیگر افسران کو یادگاری شیلڈز پیش کیں۔
اپنے خطاب میں ایڈیشنل آئی جی نے پولیس افسران اور انتظامیہ کا شکریہ ادا کرتے ہوئے کورس مکمل کرنے والوں کو مبارکباد دی۔ انہوں نے پولیس کے دوستانہ رویے، عوامی خدمت، اور جدید ٹریفک مینجمنٹ کے فروغ پر زور دیا۔ انہوں نے کہا کہ پولیس کے تعلیم یافتہ نوجوانوں کو ٹریفک پولیس میں شمولیت کی ترغیب دینا چاہیے، کیونکہ جدید اور پیشہ ورانہ تربیت سے ہی ٹریفک نظام کو مزید بہتر بنایا جا سکتا ہے۔
انہوں نے مزید کہا کہ شہریوں کی خدمت پولیس کا اولین فرض ہے اور اس کے لیے جدید ٹیکنالوجی اور تربیت کا استعمال ناگزیر ہے۔ تقریب کے اختتام پر تمام شرکاء نے کورس کے کامیاب شرکاء کو مبارکباد پیش کی