اینٹی نارکوٹکس فورس (اے این ایف) نے تعلیمی اداروں کے گردونواح اور ملک کے مختلف شہروں میں منشیات اسمگلنگ کے خلاف بھرپور کریک ڈاؤن کرتے ہوئے 6 کارروائیوں میں 5 ملزمان کو گرفتار کرلیا۔ کارروائیوں کے دوران 39 لاکھ روپے سے زائد مالیت کی 23.95 کلو گرام منشیات برآمد کی گئی۔
پاکستان کوسٹ گارڈز کی اسمگلنگ کے خلاف کامیاب کارروائیاں، بھاری مقدار میں غیر ملکی شراب برآمد
تعلیمی اداروں میں کارروائیاں:
مانسہرہ کے پنجاب چوک کے قریب ایک ملزم کے قبضے سے 100 گرام چرس اور 10 نشہ آور گولیاں برآمد ہوئیں۔ گرفتار ملزم نے اعتراف کیا کہ وہ تعلیمی اداروں کے طلباء کو منشیات فروخت کرتا تھا۔
دیگر کارروائیاں:
پشاور انٹرنیشنل ایئرپورٹ: دوحہ جانے والے مسافر کے پیٹ سے آئس بھرے 78 کیپسول برآمد۔
کراچی: کوریئر آفس میں آسٹریلیا بھیجے جانے والے پارسل سے جینز میں چھپائی گئی 135 گرام آئس برآمد۔
حیدرآباد: نیشنل ہائی وے پر ایک ٹینکر سے 19.2 کلو گرام چرس برآمد اور ملزم گرفتار۔
گجرات: چناب ٹول پلازہ پر ملزم کے شولڈر بیگ سے 1.5 کلو ہیروئن، 650 گرام آئس اور 200 گرام مشکوک پاوڈر برآمد۔
لاہور: جناح بس ٹرمینل، ٹھوکر نیاز بیگ کے قریب ملزم کے قبضے سے 1.655 کلو گرام آئس برآمد۔
تمام گرفتار ملزمان کے خلاف مقدمات درج کرکے تحقیقات کا آغاز کردیا گیا ہے۔ اے این ایف حکام کا کہنا ہے کہ منشیات کے خلاف مہم بھرپور عزم کے ساتھ جاری رہے گی۔
