آج معراج النبی کی مقدس رات ہے، ایک بابرکت اور مقدس موقع جب مسلمان خصوصی عبادات، ذکر و اذکار، اور اللہ سے اپنے گناہوں کی معافی مانگتے ہیں۔ مگر اس مقدس رات کو بھی فتنہ الخوارج کے دہشتگردوں نے اپنی شرانگیزی سے نہیں چھوڑا۔
“سندھ حکومت کا کے ڈی اے میں غیر قانونی تعیناتیوں اور ترقیوں کے خلاف بڑا قدم”
فتنہ الخوارج کون ہیں؟
فتنہ الخوارج اسلامی تاریخ میں ان گروہوں کو کہتے ہیں جو ابتدائی دور میں اسلامی وحدت کو نقصان پہنچانے اور مسلمانوں میں اختلاف پیدا کرنے کا باعث بنے۔ خوارج وہ لوگ تھے جو اسلامی قیادت کے خلاف بغاوت کرتے، دوسروں کو کافر قرار دیتے اور مسلمانوں کے خلاف جنگ کا اعلان کرتے۔ یہ گروہ اسلام کی امن پسند تعلیمات اور اخوت کے خلاف تھے، اور ان کا نظریہ اسلام کے حقیقی اصولوں سے انحراف پر مبنی تھا۔
فتنہ الخوارج اور پاکستان دشمنی
پاکستان میں فتنہ الخوارج کے دہشتگرد نہ صرف بے گناہ شہریوں کے خون سے ہاتھ رنگ رہے ہیں بلکہ اسلام کے نام کو بدنام کر رہے ہیں۔ صرف سال 2024 میں ان دہشتگردوں کے حملوں میں سینکڑوں شہری شہید اور زخمی ہوئے، جو ان کی انسانی زندگی اور اسلامی اصولوں سے مکمل بے حسی کو ظاہر کرتا ہے۔
اسلام بے گناہ انسانوں کے قتل کو سختی سے منع کرتا ہے۔ قرآن پاک فرماتا ہے، "جو کسی بے گناہ کو قتل کرے، وہ پوری انسانیت کا قاتل ہے”۔ فتنہ الخوارج کے یہ دہشتگرد اسلام دشمن قوتوں کے ایجنڈے پر عمل پیرا ہیں اور پاکستان کو نقصان پہنچانے کے لیے کرائے کے قاتل کا کردار ادا کر رہے ہیں۔
ریاست کا عزم
پاکستان کے عوام اور افواج اس فتنہ کو جڑ سے اکھاڑنے کے لیے پرعزم ہیں۔ یہ دہشتگرد اپنے مذموم مقاصد میں کبھی کامیاب نہیں ہو سکتے، اور ریاست پاکستان اپنی ترقی، امن، اور استحکام کے سفر کو جاری رکھے گی۔