کراچی: گلشنِ حدید کے شہریوں نے کئی دنوں سے جاری پانی کی بندش کے خلاف سخت ردعمل کا مظاہرہ کرتے ہوئے بلک واٹر سپلائی اسٹیل مل کو اپنی تحویل میں لے لیا۔
رواں سال ایک لاکھ 79 ہزار 210 پاکستانی حج ادا کریں گے: وزارت مذہبی امور
شہری سینکڑوں کی تعداد میں بلک واٹر سپلائی کے دروازے توڑ کر اندر داخل ہو گئے اور پانی کی موٹریں چلا کر خود گلشنِ حدید کو پانی فراہم کرنے کا اعلان کر دیا۔
یوسی چیئرمین اور وائس چیئرمین کی قیادت
شہریوں کی قیادت یوسی چیئرمین راؤ صفدر اور وائس چیئرمین میر عباس تالپور کر رہے ہیں۔ انہوں نے کہا کہ گلشنِ حدید کو کئی ماہ سے بلاجواز پانی کی فراہمی معطل کی گئی ہے، اور پرامن احتجاج کے باوجود اسٹیل مل انتظامیہ نے پانی بحال نہیں کیا۔
پرامن احتجاج سے عملی اقدام تک
راؤ صفدر کا کہنا تھا، "ہم نے بارہا پرامن طریقے سے اپنے حق کے لیے آواز بلند کی، لیکن انتظامیہ کے رویے نے ہمیں یہ سخت قدم اٹھانے پر مجبور کر دیا۔”
شہریوں کا مطالبہ
شہریوں نے مطالبہ کیا کہ پانی کی فراہمی فوری طور پر بحال کی جائے اور آئندہ کسی بھی قسم کی بندش کے خلاف مؤثر نظام قائم کیا جائے۔