تشکر نیوز اسلام آباد: منشیات کی روک تھام کے لیے قائم ادارہ اے این ایف نے ملک بھر میں منشیات اسمگلنگ کے خلاف کریک ڈاؤن جاری رکھا ہے، جس کے دوران 5 اہم کارروائیوں میں 9 ملزمان کو گرفتار کیا گیا۔ ان کارروائیوں کے دوران مجموعی طور پر 43.695 کلو گرام منشیات برآمد کی گئی، جس کی مالیت 42 لاکھ روپے سے زائد بتائی گئی۔
تعلیمی اداروں میں کاروائیاں:
پشاور میں ایک مشہور یونیورسٹی کے قریب دو ملزمان سے 6 کلو گرام چرس برآمد کی گئی۔
اٹک میں سکول کے قریب افغان باشندے سے 300 گرام چرس ضبط کی گئی۔
کوئٹہ میں پارک کے قریب کمپیوٹر میں چھپائی گئی 120 نشہ آور گولیاں برآمد کی گئیں، اور ملزم کو گرفتار کر لیا گیا۔
گرفتار ملزمان نے اعتراف کیا کہ وہ تعلیمی اداروں کے طلباء کو منشیات فراہم کر رہے تھے۔
دیگر اہم کارروائیاں:
اسلام آباد انٹرنیشنل ایئرپورٹ پر دوحہ جانے والے ایک مسافر کے سامان سے 1.332 کلو گرام آئس برآمد کی گئی۔
لاہور کے شبیر شریف روڈ پر ایک گاڑی میں چھپائی گئی 32.4 کلو گرام چرس اور 3.6 کلو گرام افیون برآمد کی گئی۔ اس کارروائی میں 4 ملزمان کو موقع پر گرفتار کیا گیا۔
گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔