تشکر نیوز: ڈائریکٹر ڈیمولیشن عبدالسجاد خان نے غیرقانونی تعمیرات کے خلاف جاری کارروائیوں کے حوالے سے ایڈیشنل ڈائریکٹر جنرل ایس بی سی اے (سندھ بلڈنگ کنٹرول اتھارٹی) سمت علی خان کے خط کے جواب میں اپنی خدمات اور کارکردگی کا وضاحت نامہ ارسال کیا ہے۔
کراچی میں بلوچستان علیحدگی پسند تحریک کی رہنما ڈاکٹر ماہرنگ بلوچ کے خلاف مقدمہ درج
عبدالسجاد خان نے اپنے جواب میں مطلع کیا کہ وہ بطور ڈائریکٹر ڈیمولیشن اپنی خدمات انجام دے رہے ہیں اور ہفتے کے دن بھی ڈیمولیشن کارروائیوں میں حصہ لیتے ہیں۔ انہوں نے مزید بتایا کہ ڈیمولیشن کارروائیوں کی تفصیلات پہلے ہی اعلیٰ حکام کو بھیجی جا چکی ہیں۔
انہوں نے اسٹینڈنگ پالیسی کا حوالہ دیتے ہوئے کہا کہ غیرقانونی تعمیرات کے خلاف کارروائیاں متعلقہ ڈسٹرکٹ افسران کی درخواست پر کی جاتی ہیں اور ان افسران کی موجودگی میں کارروائیاں اس وقت تک جاری رہتی ہیں جب تک وہ تسلی بخش نہ ہوں۔ عبدالسجاد خان نے واضح کیا کہ غیرقانونی تعمیرات کی نگرانی کرنا ایس بی سی اے کے متعلقہ ڈسٹرکٹ افسران کی ذمہ داری ہے جبکہ ڈیمولیشن سیکشن کو ان تعمیراتی سرگرمیوں میں مداخلت کا اختیار نہیں ہے کیونکہ اپروول کا ریکارڈ ان کے سیکشن کو فراہم نہیں کیا جاتا۔
انہوں نے درخواست کی کہ متعلقہ ڈسٹرکٹ افسران کو ویجلنس اور کارنٹر چیکنگ سیکشن کے خلاف ایکشن لینے کی ہدایات جاری کی جائیں اور اس بارے میں اعلیٰ حکام کو مطلع کیا جائے۔