تشکر نیوز: اینٹی کرپشن حکام نے معروف بلڈر سمیت بلڈنگ کنٹرول اتھارٹی کے ڈپٹی ڈائریکٹر افضل شیخ اور اسسٹنٹ ڈائریکٹر جمیل چانڈیو کو اربوں روپے کے فراڈ اور عوام سے بڑے پیمانے پر دھوکہ دہی کے الزام میں گرفتار کر لیا۔
ڈھاڈر میں سی ٹی ڈی کی بڑی کارروائی، فائرنگ کے تبادلے میں کالعدم ٹی ٹی پی کے تین دہشت گرد ہلاک
اینٹی کرپشن کے اعلیٰ سطحی فورم کی منظوری کے بعد ان کے خلاف کیس درج کیا گیا۔ ایف آئی آر کے مطابق بلڈر نے سرکاری افسران کے ساتھ مل کر انڈسٹریل زمین کو غیر قانونی طور پر کمرشل زمین میں تبدیل کیا اور سندھ بلڈنگ کنٹرول اتھارٹی نے غیر مجاز طریقے سے بنیادی اور نظرثانی شدہ نقشے منظور کیے۔
ڈپٹی ڈائریکٹر اینٹی کرپشن حیدرآباد کے مطابق ملزمان نے سرکاری افسران کی ملی بھگت سے عوام سے اربوں روپے کا فراڈ کیا ہے۔ کیس کی مزید تفتیش جاری ہے اور دیگر ملوث افراد کی گرفتاری کے لیے کوششیں کی جا رہی ہیں۔
اینٹی کرپشن کے حکام کا کہنا ہے کہ اس فراڈ میں ملوث تمام افراد کو انصاف کے کٹہرے میں لانے کے لیے سخت کارروائی کی جائے گی۔