ابراہیم حیدری (اسٹاف رپورٹر) ابراہیم حیدری پولیس نے انٹیلیجنس معلومات کی بنیاد پر کارروائی کرتے ہوئے غیر قانونی اسکریپ کی خریدو فروخت میں ملوث چار ملزمان کو گرفتار کرلیا ہے۔ گرفتار ہونے والے ملزمان کی شناخت عثمان علی، نواب خان، ذوالفقار اور غلام سرور کے ناموں سے ہوئی ہے۔
پشتون قومی موومنٹ کا پاکستان پیپلز پارٹی میں شمولیت، سعید غنی کا استقبال
پولیس کے مطابق، ملزمان نے نہ صرف ابراہیم حیدری بلکہ شہر کے دیگر علاقوں میں بھی چوری شدہ اسکریپ کی خرید و فروخت میں ملوث ہونے کا اعتراف کیا ہے۔ ان کے قبضے سے چوری شدہ رکشوں اور موٹر سائیکلوں کے پرزے، انجن اور اسپیئر پارٹس برآمد کیے گئے ہیں۔
ابراہیم حیدری پولیس کا کہنا ہے کہ ملزمان کے سابقہ کرمنل ریکارڈ کی جانچ جاری ہے اور ان کے خلاف مقدمہ درج کر کے مزید تفتیش شروع کر دی گئی ہے۔