ایس ایس پی ڈسٹرکٹ سینٹرل ذیشان شفیق صدیقی کی ہدایات پر ضلع کے مختلف تھانوں کی حدود میں کومبنگ اور سرچ آپریشن جاری ہے۔ ناظم آباد کے علاقے کاٹھیاواڑی محلہ میں ایس ڈی پی او ناظم آباد کی زیر نگرانی پولیس نے ایک کامیاب آپریشن کیا جس میں ایس ایچ او ناظم آباد، پاپوش نگر، اور رضویہ سوسائٹی کے افسران اور لیڈی سرچرز نے شرکت کی۔
فیصل واڈا نے حکومت کو ’نکما اور نا اہل‘ قرار دے دیا
اسی طرح، لیاقت آباد کے انگارہ گوٹھ میں ایس ڈی پی او لیاقت آباد کی زیر قیادت پولیس نے کومبنگ آپریشن کیا جس میں ایس ایچ او لیاقت آباد، شریف آباد، اور انٹیلیجنس اسٹاف کے اہلکار شامل تھے۔
نارتھ ناظم آباد کے کھنڈو گوٹھ میں بھی پولیس نے کامیاب آپریشن کیا جس کی نگرانی ایس ڈی پی او نارتھ ناظم آباد نے کی، جبکہ ایس ایچ او نارتھ ناظم آباد اور حیدری مارکیٹ کے افسران نے حصہ لیا۔
گلبرگ کے بلاک 5 فیڈرل بی ایریا کی کچی آبادی میں بھی پولیس نے کومبنگ آپریشن کیا، جس میں ایس ڈی پی او گلبرگ کی سربراہی میں ایس ایچ او گلبرگ اور سمن آباد کے اہلکاروں نے حصہ لیا۔
اسی طرح خواجہ اجمیر نگری کے علاقوں شاہنواز بھٹو کالونی اور زرینہ کالونی میں بھی پولیس نے کومبنگ آپریشن کیا۔ اس آپریشن کی قیادت ایس ڈی پی او خواجہ اجمیر نگری نے کی، اور ایس ایچ او خواجہ اجمیر نگری اور سرسید کے پولیس افسران نے حصہ لیا۔
ان تمام آپریشنز کے دوران کئی مشتبہ افراد کو حراست میں لے کر تحقیقات کے لیے متعلقہ تھانوں میں منتقل کر دیا گیا ہے۔