پولیس نے ضلع سینٹرل میں جرائم پیشہ افراد کے خلاف کامیاب کارروائیاں کرتے ہوئے دو مفرور ملزمان سمیت منشیات فروشی میں ملوث تین افراد کو گرفتار کر لیا۔
کراچی: بوٹ بیسن میں پولیس مقابلہ، دو بینک ڈکیت گرفتار، ایک فرار
پہلی کارروائی خمیسہ گوٹھ کے اندرون گلی میں کی گئی، جہاں پولیس نے مفرور ملزم کاشف عرف مومل ڈاڈا ولد عبدلکریم کو گرفتار کیا۔ ملزم نیو کراچی انڈسٹریل ایریا تھانے کے دو مقدمات میں مطلوب تھا، جن میں مقدمہ نمبر 376/2024 دفعہ 324/34 اور مقدمہ نمبر 379/2024 دفعہ 23(1)@ شامل ہیں۔ ملزم کے قبضے سے 12 گرام اعلیٰ کوالٹی کی آئس (حشیش) برآمد ہوئی، جس پر مقدمہ نمبر 527/2024 دفعہ 9(2)1 درج کیا گیا۔
دوسری کارروائی خمیسہ گوٹھ کی مین روڈ پر کی گئی، جہاں پولیس نے ایک مفرور منشیات فروش رضوان ولد عبدلحمید کو گرفتار کیا۔ رضوان نیو کراچی انڈسٹریل ایریا تھانے کے مقدمہ نمبر 137/2024 دفعہ 353/324/34 میں مطلوب تھا۔ اس کے قبضے سے 525 گرام اعلیٰ کوالٹی کی چرس برآمد ہوئی، جس پر مقدمہ نمبر 529/2024 دفعہ 9(1)3,b درج کیا گیا۔
تیسری کارروائی گودھرا کے سیکٹر 11G میں فاروق اعظم مسجد کے قریب کی گئی، جہاں بدنام زمانہ گٹکا ماوا فروش نور محمد عرف نورا ولد محمد فاروق کو گرفتار کیا گیا۔ ملزم کے قبضے سے 50 پیکٹ گٹکا ماوا برآمد ہوئے، اور مقدمہ نمبر 528/2024 دفعہ 4/8(1) درج کیا گیا۔
گرفتار ملزمان کو مقدمات درج کرنے کے بعد مزید تفتیش کے لیے انویسٹیگیشن حکام کے حوالے کر دیا گیا۔ ایس ایس پی ضلع سینٹرل ذیشان شفیق صدیقی نے کارروائیوں کو سراہا۔