تشکر نیوز: اینٹی کرپشن سرکل نے چودہ سرکاری ملازمین کے خلاف تحقیقات مکمل کر لی ہیں جن پر آمدن سے زائد اثاثے رکھنے کا الزام ہے۔ ذرائع کے مطابق، ان سرکاری افسران اور ان کے اہل خانہ کے نام پر غیر معمولی اثاثے پکڑے گئے ہیں۔ اینٹی کرپشن سرکل نے ان مقدمات کو اینٹی منی لانڈرنگ سیل کو منتقل کر دیا ہے، جہاں ملزمان پر اینٹی منی لانڈرنگ ایکٹ کے تحت مقدمات درج کیے جائیں گے۔
کراچی میں فراہمی و نکاسی آب کی بہتری کے لیے واٹر کارپوریشن کے اقدامات
ملزمان میں ای ٹی او ہلال احمد، سابق ممبر اسٹیٹ سی ڈی اے افنان عالم، احمر علی قریشی، پرویز اختر، فراست علی، صفدر محمود، کلیم اختر، اور محمد افتخار شامل ہیں۔ ان پر سرکاری زمین کی فروخت اور نان کسٹم گاڑیوں کو نمبر لگانے کے مقدمات درج کیے گئے ہیں۔ ملزمان پر اختیارات کے ناجائز استعمال اور کرپشن کے الزامات بھی عائد کیے گئے ہیں۔
ذرائع نے بتایا کہ ملزمان پر قومی خزانے کو کروڑوں روپے کا نقصان پہنچانے کے الزامات ہیں، اور ان کی تحقیقات کے بعد ان پر سخت قانونی کارروائی کی جائے گی۔
