تشکر نیوز: کراچی یونین آف جرنلسٹس (کے یوجے) نے بول ٹی وی کے متاثرہ صحافیوں کے واجبات کی عدم ادائیگی پر پیمرا کی شکایتی کونسل (سی او سی) کے چیئرمین کو خط لکھ دیا ہے، جس میں فوری فیصلے کی استدعا کی گئی ہے۔
کراچی پولیس کی انسداد جرائم کی کامیاب کارروائیاں: ایڈیشنل آئی جی جاوید عالم اوڈھو کے احکامات پر عمل
کے یوجے کے سیکریٹری سید نبیل اختر نے سی او سی کی جانب سے کیس میں پیش رفت نہ ہونے پر تشویش کا اظہار کیا ہے، اور کہا ہے کہ متاثرہ صحافیوں میں بے چینی پائی جاتی ہے۔ جنرل سیکریٹری نے مزید کہا کہ سی او سی کو ایک ہفتے کے اندر بول انتظامیہ کو واجبات ادا کرنے کی ہدایت کرنی چاہیے تاکہ متاثرہ صحافیوں کو انصاف مل سکے۔
خط میں کہا گیا ہے کہ پیمرا سی او سی کی خاموشی شکایتی کونسل کی ساکھ کو متاثر کر سکتی ہے اور یہ عدالتی احکامات کی خلاف ورزی کے مترادف ہے۔ کے یوجے نے امید ظاہر کی ہے کہ سی او سی انصاف کے تقاضے پورا کرے گی اور متاثرہ صحافیوں کو واجبات کی ادائیگی کے لیے فوری اقدامات کرے گی۔
کے یوجے نے اعلان کیا ہے کہ وہ متاثرہ صحافیوں کے شانہ بشانہ کھڑی ہے اور انصاف دلانے کے لیے ہر فورم پر آواز اٹھائے گی۔ تنظیم نے سی او سی سے مطالبہ کیا ہے کہ وہ معاملے کی فوری طور پر سنجیدگی سے نگرانی کرے تاکہ صحافیوں کو ان کے حقوق مل سکیں۔