تشکر نیوز: پیرس اولمپکس میں 40 سال بعد پاکستان کو سونے کا تمغہ دلانے والے جیولین تھرور ارشد ندیم اپنے آبائی شہر میاں چنوں پہنچ گئے۔ ان کا شاندار استقبال کرنے کے لیے شہریوں کی بڑی تعداد موجود تھی۔
بزنس تاجروں نے کرنا ہے، حکومت کا کام سہولت کاری اور مدد کرنا ہے، عبدالعلیم خان
ارشد ندیم نے کہا کہ وہ اپنے عوام کا بے حد شکر گزار ہیں، اور پوری قوم کے گرم جوش استقبال کو دیکھ کر بہت خوش ہیں۔ انہوں نے مزید کہا کہ قوم کی محبت کے باعث وہ 2028 کے اولمپکس میں بھی کامیابی حاصل کرنے کے لیے پرعزم ہیں۔
ارشد ندیم نے وضاحت کی کہ انہوں نے یہ تمغہ پاکستان کے عوام کے لیے جیتا ہے اور وہ 14 اگست کو قوم کے ساتھ خوشیاں منائیں گے۔ انہوں نے پنجاب حکومت اور فیڈریشن کا بھی شکریہ ادا کیا، اور اپنے کوچ کی محنت کو سراہا، جنہوں نے رات دن محنت کی۔ ارشد ندیم نے پیرس اولمپکس میں ریکارڈ توڑنے پر خوشی کا اظہار کیا اور نیرج چوپڑا کو دوست اور بھائی قرار دیا۔
قبل ازیں، ارشد ندیم نے پیرس سے ترکی کے راستے لاہور پہنچ کر اپنے آبائی شہر میاں چنوں کے لیے قافلے کے ساتھ سفر کیا، جہاں ان کا شاندار استقبال کیا گیا۔ پھولوں کی پتیاں نچھاور کی گئیں، شہریوں نے انہیں پھولوں کے ہار پہنائے، اور ڈھول کی تھاپ پر بھنگڑے ڈالے۔