وزارت اطلاعات و نشریات نے حوثیوں کے خلاف پاک فضائیہ کے استعمال سے متعلق خبر کو مسترد کردیا۔
وزارت کی جانب سے جاری فیکٹ چیک میں نیویارک ٹائمز کی رپورٹ کو مکمل طور پر جھوٹا اور من گھڑت قرار دیا گیا ہے۔
پاکستانی افواج کے استعمال سے متعلق قیاس آرائیوں سے گریز
وزارت اطلاعات کے مطابق عالمی میڈیا کو پاکستانی افواج کے ممکنہ استعمال سے متعلق قیاس آرائیوں سے گریز کرنا چاہیے۔
بیان میں مکہ مشترکہ دفاعی معاہدے کا بھی حوالہ دیا گیا ہے۔
وزارت اطلاعات نے کہا کہ کسی بھی فوجی تعیناتی سے متعلق فیصلہ ضرورت کے مطابق کیا جائے گا۔
اگر کسی قسم کی تعیناتی ضروری ہوئی تو اس کی تفصیلات متعلقہ حکام خود فراہم کریں گے۔
سرکاری ذرائع سے معلومات لینے پر زور
وزارت اطلاعات نے عالمی میڈیا کو ذمہ دارانہ رپورٹنگ کی ہدایت کی ہے۔
بیان کے مطابق پاکستانی افواج کی تعیناتی سے متعلق معلومات کے لیے متعلقہ حکام کے سرکاری بیانات کو بنیاد بنایا جائے۔
وزارت نے غیر مصدقہ اطلاعات اور قیاس آرائیوں سے گریز پر زور دیا ہے۔