سندھ میں منشیات اور گٹکا ماوا مافیا کے خلاف کارروائیاں تیز کرنے کی ہدایت

آئی جی سندھ جاوید عالم اوڈھو کی زیر صدارت اہم اجلاس ہوا۔

اجلاس میں منشیات اور گٹکا ماوا مافیا کے خلاف کارروائیوں کا جائزہ لیا گیا۔

اجلاس سینٹرل پولیس آفس کراچی میں ہوا۔

کراچی سمیت مختلف اضلاع کے پولیس افسران نے اجلاس میں شرکت کی۔

ڈی آئی جی اسپیشل برانچ نعیم شیخ نے بریفنگ دی۔

انہوں نے اے پلس کیٹیگری کے مافیاز کے خلاف کارروائیوں سے آگاہ کیا۔

زونل اور ڈویژنل ڈی آئی جیز نے بھی اپنی کارکردگی پیش کی۔

ڈی آئی جی سی آئی اے نے آن لائن منشیات سپلائرز کے خلاف کارروائیوں پر بریفنگ دی۔

آئی جی سندھ نے کارروائیاں مزید مؤثر بنانے کی ہدایت کی۔

انہوں نے تمام اضلاع کو منشیات فروشوں کے خلاف ایکشن تیز کرنے کا کہا۔

گٹکا ماوا مافیا کے خلاف بھی کارروائیاں بڑھانے کی ہدایت کی گئی۔

جاوید عالم اوڈھو نے تعلیمی اداروں کے اطراف کارروائیوں پر زور دیا۔

انہوں نے آن لائن منشیات سپلائی روکنے کی بھی ہدایت کی۔

آن لائن منشیات فروشوں کی گرفتاری کے لیے جدید ٹیکنالوجی استعمال کی جائے گی۔

آئی جی سندھ نے ٹھوس شواہد جمع کرنے کی ہدایت بھی کی۔

انہوں نے مضبوط مقدمات قائم کرنے پر بھی زور دیا۔

آئی جی سندھ نے منشیات کی سپلائی لائن توڑنے پر زور دیا۔

انہوں نے کہا کہ سپلائی لائن مکمل طور پر ختم کرنا ضروری ہے۔

جاوید عالم اوڈھو کے مطابق سندھ پولیس مؤثر اقدامات کررہی ہے۔

انہوں نے کہا کہ کارروائی میں غفلت برداشت نہیں کی جائے گی۔

آئی جی سندھ نے عوامی توقعات پر پورا اترنے کی ہدایت بھی کی۔

آئی جی سندھ نے حیدرآباد پولیس کی کارکردگی کو سراہا۔

انہوں نے ڈی آئی جی حیدرآباد اور ایس ایس پی حیدرآباد کو شاباش دی۔

دیگر اضلاع کی کارکردگی پر بھی اطمینان کا اظہار کیا گیا۔

آئی جی سندھ نے کراچی پولیس کے اقدامات کو بھی سراہا۔

انہوں نے ایڈیشنل آئی جی کراچی اور ان کی ٹیم کی کارکردگی کو قابل ذکر قرار دیا۔