پاکستان پیس میکر کے عنوان سے نائب وزیراعظم اور وزیر خارجہ اسحاق ڈار نے کہا ہے کہ امریکا اور ایران کے درمیان کشیدگی کم کرنے میں پاکستان نے اہم کردار ادا کیا۔
لاہور میں داتا گنج بخشؒ کے مزار کو غسل دینے کی تقریب کے موقع پر گفتگو کرتے ہوئے انہوں نے کہا کہ اللہ تعالیٰ نے اس معاملے میں پاکستان سے کام لیا۔
اسحاق ڈار نے کہا کہ یہ پیش رفت وزیراعظم شہباز شریف کی قیادت میں ممکن ہوئی۔
انہوں نے کہا کہ فیلڈ مارشل سید عاصم منیر نے بھی امن کے لیے بھرپور کوششیں کیں۔
نائب وزیراعظم کے مطابق پاکستان کا نام آج پوری دنیا میں گونج رہا ہے۔
انہوں نے کہا کہ عالمی برادری پاکستان کو امن کے علمبردار کے طور پر دیکھ رہی ہے۔
اسحاق ڈار کا کہنا تھا کہ ایران پر حملے کی پاکستان نے سب سے پہلے مذمت کی۔
انہوں نے دعویٰ کیا کہ مشکل وقت میں پاکستان ایران کے ساتھ کھڑا رہا۔
وزیر خارجہ نے کہا کہ پاکستان نے برادر اسلامی ملک پر حملے کے خلاف واضح مؤقف اختیار کیا۔
انہوں نے مزید کہا کہ پاکستان نے اپنی خارجہ پالیسی میں اصولی مؤقف اپنایا۔
اسحاق ڈار نے ملکی معیشت کا بھی ذکر کیا۔
انہوں نے کہا کہ وزیراعظم شہباز شریف نے معاشی استحکام کے لیے اہم اقدامات کیے۔
ان کے مطابق معیشت بہتری کی جانب گامزن ہے۔
انہوں نے کہا کہ پاکستان کو اب ایک مضبوط معاشی قوت بننا ہے۔
نائب وزیراعظم نے عوام سے ملک کی ترقی اور خوشحالی کے لیے دعا کی اپیل بھی کی۔
انہوں نے کہا کہ پاکستان کو تنہا کرنے کی کوششیں ناکام ہو چکی ہیں۔
اسحاق ڈار کے مطابق پاکستان اپنی خودمختاری اور قومی مفادات کے تحفظ کے لیے پُرعزم ہے۔