ڈی آئی خان دہشتگرد حملے میں 10 پولیس اہلکار شہید، 6 زخمی
تشکُّر نیور ویب ڈیسک
ڈیرا اسماعیل خان میں دہشتگردوں کے حملے میں 10 پولیس اہلکار شہید ہوگئے جبکہ 6 اہلکار زخمی ہو گئے۔
پولیس کے مطابق ڈی آئی خان کی تحصیل درابن کے تھانے پر رات گئے نامعلوم دہشتگردوں نے حملہ کردیا, دہشتگردوں کے حملے میں ڈیوٹی پر موجود 10 پولیس اہلکار شہید اور 6 زخمی ہوگئے ہیں۔
اطلاعات کے مطابق واقعے کے بعد دہشتگرد فرار ہونے میں کامیاب ہو گئے، پولیس اور سکیورٹی فورسز نے دہشتگردوں کی تلاش کیلئے سرچ آپریشن شروع کر دیا ہے۔