پاکستان کے اسٹار کرکٹرز شاہین شاہ آفریدی، محمد رضوان، حارث رؤف اور شاداب خان نے بگ بیش لیگ (بی بی ایل) کے 15ویں ایڈیشن کے ڈرافٹ کے لیے رجسٹریشن کروا دی ہے۔ خواتین کرکٹ میں بھی پاکستان کی نمائندگی موجود ہے، جہاں قومی ٹیم کی کپتان فاطمہ ثناء کا نام ڈبلیو بی بی ایل 11 کے ڈرافٹ کے لیے دستیاب کھلاڑیوں میں شامل ہے۔
جامعہ کراچی میں واٹر لائن کی ہنگامی مرمت، کام شام 6 بجے مکمل ہونے کا امکان
ڈرافٹ کے لیے دنیا بھر سے 600 سے زائد انٹرنیشنل کھلاڑیوں نے رجسٹریشن کروائی ہے۔ بی بی ایل 15 کے ابتدائی اسکواڈ میں ویسٹ انڈیز کے شیمار جوزف، نیوزی لینڈ کے لوکی فرگوسن اور ٹِم ساؤتھی جبکہ انگلینڈ کے سیم کرن، ایلکس ہیلز اور سری لنکا کے کوشال پریرا جیسے معروف نام شامل ہیں۔
دوسری جانب ڈبلیو بی بی ایل 11 کے لیے انگلینڈ کی ہیتر نائٹ، سوفی ایکلسٹون، لارین بیل اور ڈینی وائٹ، بھارت کی جمیما روڈریگز اور شیکھا پانڈے، جنوبی افریقہ کی شبنم اسماعیل اور کلوئی ٹرائن، نیز ویسٹ انڈیز کی ڈیانڈرا ڈوٹن کے نام بھی سامنے آئے ہیں۔
ڈرافٹ 19 جون کو منعقد ہوگا جبکہ مکمل فہرست اور کھلاڑیوں کی دستیابی کی تفصیلات جلد جاری کی جائیں گی۔
بگ بیش لیگز کے جنرل منیجر، الیسٹر ڈوبسن کے مطابق:
"شاہین آفریدی، محمد رضوان، ہیتر نائٹ اور سوفی ایکلسٹون جیسے نام یہ ظاہر کرتے ہیں کہ بی بی ایل اور ڈبلیو بی بی ایل دنیا کے صفِ اول کے کھلاڑیوں کے لیے ایک پرکشش پلیٹ فارم بن چکے ہیں۔”