ڈیاگو میراڈونا کی موت کا مقدمہ معطل جج کی غیرجانبداری پر سوالات اٹھ گئے

فٹ بال لیجنڈ ڈیاگو میراڈونا کی موت کے مقدمے کی کارروائی جج کی غیر جانبداری پر اٹھنے والے سوالات کے باعث تاحال معطل ہے۔ مقدمے میں سات ارجنٹائنی صحت کے پیشہ ور افراد کو "ممکنہ ارادے سے قتل” کے الزام کا سامنا ہے، جنہیں 8 سے 25 سال قید کی سزا ہو سکتی ہے۔
خیبرپختونخوا حکومت کا گڈ گورننس روڈ میپ جاری صحت تعلیم معیشت اور ڈیجیٹل اصلاحات سمیت 2 سالہ جامع منصوبہ

گزشتہ ہفتے مقدمے کی سماعت اس وقت روک دی گئی جب دفاعی وکلاء نے ایک دستاویزی فلم میں جج جولیٹا مکینٹاچ کی شرکت پر اعتراض اٹھایا، جسے جج کی ذمہ داری کی خلاف ورزی، اثر و رسوخ اور ممکنہ رشوت ستانی قرار دیا گیا۔

عدالتی کارروائی کی صدارت کرنے والے تین ججوں میں سے ایک مکینتاچ کی ممکنہ برطرفی سے مقدمے کا مکمل کالعدم ہونے کا خدشہ پیدا ہوگیا ہے۔ اگر جج کو ہٹایا گیا تو یا تو انہیں تبدیل کیا جائے گا یا پورے مقدمے کی سماعت نئے پینل کے ساتھ دوبارہ شروع کرنا پڑے گی۔

مقدمے کی تفصیلات:

ڈیاگو میراڈونا 25 نومبر 2020 کو 60 سال کی عمر میں دل کی ناکامی اور شدید پلمونری ورم کے باعث انتقال کر گئے تھے۔ وہ دماغی سرجری کے بعد ایک نجی گھر میں صحت یاب ہو رہے تھے۔ استغاثہ کے مطابق، ان کی طبی ٹیم نے انتہائی غفلت برتی اور میراڈونا کو ایسے حالات میں گھر میں رکھا گیا جہاں مناسب طبی نگرانی یا سہولت موجود نہیں تھی۔

جج پر اعتراض:

ذرائع کے مطابق، عدالتی کارروائی کے دوران کیمرے کمرہ عدالت میں موجود تھے، جو مقدمے کی فلم بندی پر واضح پابندی کے خلاف ہے۔ جج مکینتاچ نے فلم بندی میں شرکت کی تردید کی، تاہم میڈیا پر سامنے آنے والی فوٹیج میں انہیں ایک فلمی عملے کے ساتھ انٹرویو دیتے ہوئے دیکھا جا سکتا ہے۔

متاثرین کے وکلاء کا ردعمل:

میراڈونا کی بیٹیوں کے وکیل فرنینڈو برلینڈو نے اسے "بین الاقوامی سطح پر ارجنٹائن کے عدالتی نظام کی بدنامی” قرار دیتے ہوئے جج کی واپسی کا مطالبہ کر دیا ہے۔ انہوں نے کہا، "جج نے اداکارہ کی طرح رویہ اختیار کیا، نہ کہ جج کی طرح”۔

میراڈونا کی سابق ساتھی ویرونیکا اوجیڈا کے وکیل ماریو باؤڈری نے کہا، "اب ہر کوئی محسوس کرتا ہے کہ اس مقدمے سے سمجھوتہ ہو چکا ہے۔ بہتر ہے کہ دوبارہ ابتدا سے شروع کیا جائے”۔

پس منظر:

استغاثہ کا مؤقف ہے کہ میراڈونا کی طبی دیکھ بھال ناقص تھی، اور انہیں گھر پر رکھنے کا فیصلہ ان کی جان کو خطرے میں ڈالنے کے مترادف تھا۔ گیانینا میراڈونا نے اپنی گواہی میں دعویٰ کیا کہ ان کے والد کو "تنہا اور تاریک” ماحول میں رکھا گیا اور ان کی تیمارداری کرنے والے صرف پیسے کے لالچ میں تھے۔

آئندہ سماعت:

مقدمے کی سماعت منگل کے روز دوبارہ شروع ہونے کی توقع ہے، جہاں جج مکینتاچ کی واپسی کا مطالبہ پھر سے دہرایا جائے گا۔