شائع خبر رساں ادارے اے ایف پی کی رپورٹ کے مطابق، سوڈان کے دارالحکومت خرطوم نے متحدہ عرب امارات (یو اے ای) کو عالمی عدالت انصاف (ICJ) میں مقدمے کا سامنا کرتے ہوئے سنگین الزامات عائد کیے ہیں۔ سوڈان نے دعویٰ کیا ہے کہ یو اے ای، 2023 سے سوڈانی فوج کے خلاف لڑنے والی نیم فوجی تنظیم ریپڈ سپورٹ فورسز (RSF) کی حمایت کر کے ملک میں جاری نسل کشی میں ملوث ہے۔
پاکستانی شہریوں کی غیر قانونی سرگرمیوں کی روک تھام: حکومت کا بیرون ملک بھیک مانگنے والوں کے خلاف سخت اقدام
قائم مقام وزیر انصاف معاویہ عثمان نے عدالت کو بتایا کہ "یہ جاری نسل کشی متحدہ عرب امارات کی ملی بھگت کے بغیر ممکن نہیں، خاص طور پر اسلحے کی فراہمی میں اس کا کردار قابل مذمت ہے۔” انہوں نے مزید کہا کہ RSF کی مبینہ حمایت سے ہزاروں بے گناہ شہریوں کی جانیں ضائع ہو چکی ہیں، اور عالمی برادری کی خاموشی سنگین نتائج کا باعث بن سکتی ہے۔
سوڈان نے عالمی عدالت انصاف سے مطالبہ کیا ہے کہ وہ متحدہ عرب امارات کو RSF کی مبینہ حمایت روکنے پر مجبور کرے، متاثرین کو معاوضے کی ادائیگی کی ہدایت دے، اور جنگ سے ہونے والے جانی و مالی نقصانات کا مکمل ازالہ کیا جائے۔
دوسری جانب، متحدہ عرب امارات نے سوڈانی حکومت کے الزامات کو سختی سے مسترد کرتے ہوئے انہیں "سیاسی تھیٹر” قرار دیا ہے۔ یو اے ای کا مؤقف ہے کہ یہ الزامات جنگ کے خاتمے کی بین الاقوامی کوششوں سے توجہ ہٹانے کی کوشش ہیں، جب کہ میدان جنگ میں دسیوں ہزار افراد اپنی جانیں گنوا چکے ہیں۔