ایف سی بلوچستان کے بہادر جوانوں نے عیدالفطر کے موقع پر پوری قوم کو مبارکباد پیش کی ہے۔ بلوچستان کے مختلف علاقوں میں تعینات سپاہیوں نے کہا کہ وہ ملک کی سرحدوں کے محافظ ہیں اور ہر حال میں مادر وطن کا دفاع جاری رکھیں گے۔
جوانوں کا کہنا تھا کہ عید اپنوں کے ساتھ منانے کا تہوار ہے، لیکن وہ ملک و قوم کی حفاظت کے لیے اپنے فرائض سرانجام دے رہے ہیں۔ انہوں نے اس عزم کا اظہار کیا کہ وہ دشمن کے ناپاک عزائم کو ناکام بنائیں گے اور پاکستان کو امن و استحکام کی راہ پر گامزن رکھیں گے۔
ایف سی کے جوانوں نے شہداء اور غازیوں کو خراج عقیدت پیش کرتے ہوئے دعا کی کہ پاکستان ہمیشہ خوشحال اور پرامن رہے اور یہ عید ملک کے لیے خوشیاں، امن اور ترقی لے کر آئے۔
