کراچی (اسٹاف رپورٹر) – پاکستان رائٹرز گلڈ کوآپریٹو ہاؤسنگ سوسائٹی کے ممبران کے لیے 18 جولائی 2024 کا دن ایک تاریخی حیثیت اختیار کر گیا، جب سالوں کے انتظار کے بعد زمین کی بازیابی اور سندھ ماسٹر پلان اتھارٹی سے لے آؤٹ پلان کی منظوری کا اعلان کیا گیا۔
دبئی میں رمضان المبارک کے دوران بھکاریوں کے خلاف کریک ڈاؤن، 127 گرفتار
پہلی قرعہ اندازی، ممبران میں خوشی کی لہر
سوسائٹی کے اعزازی سیکریٹری افتخار فرید نے تقریب میں بذاتِ خود پہلی قرعہ اندازی کے ذریعے خوش نصیب ممبر کا ممبرشپ نمبر اور پلاٹ نمبر کا اعلان کیا۔ اس کے بعد، کمیٹی ممبران نے باری باری تمام پلاٹ ممبران میں الاٹ کر دیے، جس سے برسوں کی بے یقینی کا خاتمہ ہوا اور ممبران کے چہروں پر خوشی بکھر گئی۔
اہم شخصیات کی شرکت اور تہنیتی پیغامات
تقریب میں سوسائٹی کے بانی پروموٹر فرمان درانی، معروف سماجی شخصیت امتیاز بخاری، اور نامور ادیب شاداب احسانی سمیت کئی معزز شخصیات شریک ہوئیں۔ اس موقع پر سید امتیاز الحق بخاری نے کہا:
"یہ صرف زمین کے پلاٹس نہیں، بلکہ قوم کے ان معماروں کے لیے محفوظ پناہ گاہ ہے، جو اپنے قلم اور فن سے معاشرے کی فکری آبیاری کرتے ہیں۔ آج امید کا جو چراغ روشن ہوا ہے، وہ کل ایک جگمگاتے مستقبل کی نوید بنے گا۔”
ایک خواب کی تعبیر، ایک نئے باب کا آغاز
یہ منصوبہ صحافیوں، ادیبوں، اور فنون لطیفہ سے وابستہ افراد کے لیے صرف ایک رہائشی بستی نہیں، بلکہ ایک خواب کی حقیقت ہے۔ اس موقع پر نسیم احمد، اسد اقبال، عثمان، مقبول احمد، فرید احمد مون، تنویر اعجاز، محمد آصف غفار، ملک محمد اجمل اور حسن گبول بھی موجود تھے۔
یہ دن سوسائٹی کی تاریخ میں ایک سنگِ میل ثابت ہوگا، جہاں لفظوں کے معماروں کو پہلی بار اپنے سر پر محفوظ چھت میسر آ رہی ہے۔