معروف گلوکار علی سیٹھی کی والدہ، لکھاری اور ٹی وی میزبان جگنو محسن نے انکشاف کیا ہے کہ انہیں بیٹے کا سب سے مقبول گانا ’پسوڑی‘ پسند ہی نہیں۔
کراچی فش ہاربر میں یورپی یونین آڈٹ سے قبل بہتری کا عمل جاری
’پسوڑی‘ کی عالمی کامیابی
فروری 2022 میں ’کوک اسٹوڈیو 14‘ کے تحت ریلیز ہونے والے اس گانے نے دنیا بھر میں مقبولیت حاصل کی۔ یوٹیوب پر اسے 83 کروڑ سے زائد بار دیکھا جا چکا ہے، جبکہ انسٹاگرام اور ٹک ٹاک پر بھی لاکھوں ویڈیوز اس پر بنائی جا چکی ہیں۔
یہ گانا بھارت سمیت دنیا بھر میں بے حد مقبول ہوا اور کئی ہفتوں تک مختلف پلیٹ فارمز پر ٹرینڈ کرتا رہا۔ مزید یہ کہ 2022 میں گوگل پر سب سے زیادہ سرچ کیے جانے والے گانوں میں شامل تھا۔
جگنو محسن کو ’پسوڑی‘ کیوں پسند نہیں؟
یوٹیوبر سے گفتگو کے دوران جگنو محسن نے بتایا کہ وہ خالص پنجابی فوک گانوں کو زیادہ پسند کرتی ہیں۔ انہوں نے علی سیٹھی کے بچپن میں ان سے سات سال تک پنجابی میں بات کی اور انہیں پنجابی گانے بھی سناتی رہیں، جس کا اثر آج ان کی گائیکی پر نظر آتا ہے۔
انہوں نے کہا کہ انہیں علی سیٹھی کی پنجابی غزلیں اور دیگر لوک گیت زیادہ پسند ہیں، لیکن ’پسوڑی‘ ان کے ذوق سے میل نہیں کھاتا۔ جب یہ گانا کروڑوں بار دیکھا جا چکا تھا، تب بھی انہوں نے علی سیٹھی کو صاف الفاظ میں بتا دیا تھا کہ یہ ان کی پسندیدہ فہرست میں شامل نہیں۔
علی سیٹھی کا تخلیقی پس منظر
علی سیٹھی ایک معروف علمی و ادبی خاندان سے تعلق رکھتے ہیں۔ ان کے والد نجم سیٹھی ایک تجربہ کار تجزیہ نگار، سابق نگران وزیراعلیٰ پنجاب اور پاکستان کرکٹ بورڈ کے چیئرمین رہ چکے ہیں۔ ان کی بہن میرا سیٹھی اداکارہ ہیں جبکہ والدہ جگنو محسن خود بھی ٹی وی پر پروگرامز کرتی ہیں۔
علی سیٹھی نے ’پسوڑی‘ کو شے گل کے ہمراہ گایا تھا، جس کے بعد شے گل کی شہرت میں بھی زبردست اضافہ ہوا۔