ایف آئی اے کراچی زون کے اسٹیٹ بینک سرکل نے حوالہ ہنڈی اور غیر قانونی کرنسی ایکسچینج میں ملوث ایک منظم گینگ کے خلاف بڑی کارروائی کی۔ اس دوران دو ملزمان، نور الحق سومرو اور عبد الرشید، کو ملیر کینٹ سے گرفتار کر لیا گیا۔
پاک افغان سیکورٹی حکام کی فلیگ میٹنگ مکمل، طورخم تجارتی گزرگاہ آج شام 4 بجے کھولنے کا اعلان
چھاپہ مار کارروائی کے دوران ملزمان کے قبضے سے 12,000 امریکی ڈالر، 200 سعودی ریال اور 20,000 پاکستانی روپے برآمد ہوئے۔ مزید برآں، ان کے موبائل فون اور دیگر شواہد بھی قبضے میں لے لیے گئے جو حوالہ ہنڈی سے متعلق سرگرمیوں میں ان کے ملوث ہونے کی تصدیق کرتے ہیں۔
حکام کے مطابق، گرفتار افراد بغیر لائسنس کرنسی ایکسچینج کے غیر قانونی کاروبار میں ملوث تھے اور ضبط شدہ کرنسی کے حوالے سے کوئی تسلی بخش وضاحت فراہم نہ کر سکے۔ ملزمان کے خلاف تفتیش کا آغاز کر دیا گیا ہے، جبکہ مزید گرفتاریاں عمل میں لانے کے لیے چھاپے جاری ہیں۔
