کرائسٹ چرچ: پانچ میچوں پر مشتمل ٹی ٹوئنٹی سیریز کے پہلے میچ میں نیوزی لینڈ نے شاندار کارکردگی کا مظاہرہ کرتے ہوئے پاکستان کو 9 وکٹوں سے با آسانی شکست دے دی۔
وفاقی حکومت نے پیٹرول اور ڈیزل پر لیوی میں 10 روپے فی لیٹر اضافہ کردیا
ہیگلے اوول گراؤنڈ میں کھیلے گئے اس میچ میں نیوزی لینڈ نے پاکستان کی جانب سے دیا گیا 92 رنز کا ہدف صرف ایک وکٹ کے نقصان پر 11ویں اوور میں حاصل کر لیا۔ ٹم سائفرٹ 44 رنز بنا کر نمایاں رہے جبکہ فن ایلن نے 29 اور ٹم رابنسن نے 18 رنز کے ساتھ ناقابل شکست اننگز کھیلیں۔
پاکستان کی جانب سے واحد وکٹ ابرار احمد نے حاصل کی۔
اس سے قبل نیوزی لینڈ کے کپتان نے ٹاس جیت کر پاکستان کو بیٹنگ کی دعوت دی، لیکن پاکستانی بیٹنگ لائن ایک بار پھر بری طرح ناکام رہی اور پوری ٹیم 91 رنز پر ڈھیر ہو گئی۔
پاکستان کے ابتدائی چار کھلاڑی صرف 14 رنز کے مجموعی اسکور پر پویلین لوٹ گئے۔ اوپنر محمد حارث اور حسن نواز بغیر کوئی رن بنائے آؤٹ ہوئے، عرفان خان نے صرف ایک رن، جبکہ شاداب خان تین رنز بنا کر آؤٹ ہوئے۔
خوشدل شاہ 32 رنز کے ساتھ ٹاپ اسکورر رہے جبکہ سلمان علی آغا نے 18 رنز بنائے۔
نیوزی لینڈ کی جانب سے جیکب ڈفی نے 4، کائل جیمیسن نے 3، اش سوڈھی نے 2 اور فالکس نے ایک وکٹ حاصل کی۔
پاکستان کی طرف سے اس میچ میں تین کھلاڑی عبدالصمد، محمد علی اور حسن نواز نے اپنے ٹی ٹوئنٹی کیریئر کا آغاز کیا۔
سیریز میں نیوزی لینڈ کو 0-1 کی برتری حاصل ہوگئی ہے۔