خلیج ٹائمز کے مطابق، او گولڈ ایپ نے صارفین کو 0.1 گرام سونا لیز پر دینے اور اس سے سالانہ 16 فیصد منافع حاصل کرنے کا منفرد موقع فراہم کیا ہے۔ اس سسٹم کو مزید مؤثر بنانے کے لیے ایپ نے عالمی سطح پر معروف کمپنی مانیٹری میٹلز (MM) کے ساتھ شراکت داری کی ہے، جسے دبئی کے سی ای او مارک پی نے ایک بڑی مالیاتی جدت قرار دیا ہے۔
پی ٹی آئی کی چیف آرگنائزر عالیہ حمزہ کا پنجاب حکومت کی تشہیری مہم پر سوال، فنڈز کی تفصیلات طلب
او گولڈ کے چیئرمین بندر العثمان کے مطابق، اس پلیٹ فارم پر 50 ہزار سے زائد صارفین موجود ہیں اور 70 ہزار سے زیادہ لین دین مکمل ہو چکے ہیں۔ انہوں نے کہا کہ یہ سونے میں سرمایہ کاری کا نیا ماڈل متعارف کروا رہا ہے، جو سرمایہ کاروں کے لیے مزید مواقع فراہم کرتا ہے۔
مارک پی کا کہنا ہے کہ کمپنی ان اداروں کا تفصیلی جائزہ لیتی ہے، جو سونے کو لیز پر لینا چاہتے ہیں۔ اس عمل میں سیکیورٹی سسٹم، انوینٹری کا جائزہ اور RFID ٹیکنالوجی شامل ہے، جس سے ہر لمحہ سونے کا مکمل ریکارڈ رکھا جاتا ہے۔
او گولڈ کے سی ای او احمد عبدالطاب کا کہنا ہے کہ دنیا کے کئی ممالک کرنسی کی قدر میں کمی کا سامنا کر رہے ہیں، لیکن سونا ایک محفوظ سرمایہ کاری ثابت ہوا ہے۔
یہ سسٹم سرمایہ کاروں کو موقع دیتا ہے کہ وہ سونا لیز پر دے کر اضافی منافع حاصل کریں اور کسی بھی وقت بغیر کسی جرمانے کے لیز ختم کر سکیں۔