کراچی: ایڈیشنل آئی جی کراچی جاوید عالم اوڈھو نے شب برات کے موقع پر سیکیورٹی کے سخت انتظامات کرنے کی ہدایات جاری کر دی ہیں۔ انہوں نے تمام زونل ڈی آئی جیز، ضلعی ایس ایس پیز، ایس پیز، ایس ڈی پی اوز اور ایس ایچ اوز کو حکم دیا ہے کہ شب برات کے اجتماعات اور محافل کے دوران فول پروف سیکیورٹی یقینی بنائی جائے۔
اسٹریٹ کرائم میں ملوث تین رکنی ڈکیت گینگ گرفتار
اہم ہدایات:
مساجد، امام بارگاہوں، مزارات اور قبرستانوں پر سیکیورٹی سخت – ان تمام مقامات پر پولیس تعینات کرنے اور حفاظتی انتظامات مزید مؤثر بنانے کا حکم دیا گیا ہے۔
پولیس موبائل اور موٹر سائیکل گشت میں اضافہ – اہم شاہراہوں، گلیوں اور حساس مقامات پر پولیس گشت بڑھانے کی ہدایات دی گئی ہیں۔
اجتماعات کے منتظمین اور رضاکاروں سے رابطہ – محافل کے انعقاد کرنے والوں سے قریبی تعاون رکھنے اور ان کے رضاکاروں کو بھی سیکیورٹی میں شامل کرنے کی ہدایت کی گئی ہے۔
مشکوک افراد اور دہشت گرد عناصر پر نظر – فورتھ شیڈول میں شامل ملزمان اور دیگر مشکوک افراد کی سخت نگرانی کرنے کا حکم دیا گیا ہے۔
اہم تنصیبات اور عوامی املاک کی حفاظت – سیکیورٹی اداروں کو حکم دیا گیا ہے کہ وہ عوامی مقامات، تنصیبات اور حساس جگہوں کی حفاظت یقینی بنائیں۔
آتش بازی اور پٹاخوں کی فروخت پر سخت کارروائی – شب برات کے موقع پر آتش بازی اور پٹاخوں کی فروخت میں ملوث افراد کے خلاف سخت قانونی کارروائی عمل میں لانے کی ہدایات جاری کی گئی ہیں۔
بم ڈسپوزل اسکواڈ الرٹ – کسی بھی ناخوشگوار واقعے سے نمٹنے کے لیے بم ڈسپوزل اسکواڈ کو ہائی الرٹ کر دیا گیا ہے۔
ایس ایچ اوز کو مسلسل گشت اور سیکیورٹی چیکنگ کی ہدایت – تمام متعلقہ افسران کو گشت اور حفاظتی اقدامات کی نگرانی یقینی بنانے کی ہدایت کی گئی ہے۔