وزیراعلیٰ سندھ مراد علی شاہ نے نیشنل بینک اسٹیڈیم کا افتتاح کردیا۔ افتتاحی تقریب میں صدر مملکت آصف علی زرداری کی نمائندگی بھی کی گئی۔ نیشنل بینک اسٹیڈیم کی آئی سی سی چیمپئینز ٹرافی کے لیے اپ گریڈیشن کی گئی ہے، جس سے اس اسٹیڈیم کو عالمی معیار کے مطابق جدید سہولتیں فراہم کی گئی ہیں۔
گورنر سندھ کامران خان ٹیسوری نے نیشنل اسٹیڈیم کی تعمیر نو کا افتتاح کیا
چیئرمین پی سی بی محسن نقوی اور دیگر شخصیات بھی افتتاحی تقریب میں موجود تھیں۔ وزیراعلیٰ سندھ نے اسٹیڈیم کی تعمیر نو ریکارڈ مدت میں مکمل ہونے پر چیئرمین پی سی بی کو مبارکباد پیش کی۔
وزیراعلیٰ مراد علی شاہ نے کہا کہ حکومت سندھ کراچی میں کھیلوں کے لیے بھرپور سہولتیں فراہم کرنے کے لیے کوشاں ہے۔ انہوں نے مزید کہا کہ 2018 میں نیشنل اسٹیڈیم کو سندھ حکومت نے اپ گریڈ کیا تھا اور اس وقت پی ایس ایل کے لیے تمام ضروری سہولتیں فراہم کی گئی تھیں۔
مراد علی شاہ نے کراچی والوں کی کرکٹ سے محبت کا ذکر کرتے ہوئے کہا کہ حکومت سندھ بھرپور سہولتیں فراہم کر رہی ہے اور کراچی میں کھیلوں کی سرگرمیاں بحال کرنے میں کوئی کسر اٹھا نہیں رکھی جائے گی۔
انہوں نے آئی سی سی چیمپئنز ٹرافی میں پاکستانی ٹیم کی پرفارمنس پر اظہارِ امید کرتے ہوئے کہا کہ شاہینوں سے بہتر پرفارمنس کی امید ہے، اور ہار جیت کھیل کا حصہ ہے لیکن فائٹنگ گیم ہونا چاہیے۔