لاہور میں پریس کانفرنس کرتے ہوئے وفاقی وزیر اطلاعات مریم اورنگزیب نے کہا کہ آج کا دن بانی پی ٹی آئی کے لیے یوم سیاہ ہے، جبکہ عوام کے لیے یہ یومِ تعمیر و ترقی کا دن ہے۔ انہوں نے کہا کہ 2018 میں آر ٹی ایس سسٹم بند کر کے عوامی مینڈیٹ چوری کیا گیا، لیکن 8 فروری 2024 کو عوام کو ان کا حق واپس ملا۔
خواجہ آصف کا بیان: “پی ٹی آئی کو سیاسی رویہ اپنانے کی ضرورت، پاکستان کی ترقی میں رکاوٹیں ناقابل قبول
مریم اورنگزیب نے کہا کہ پی ٹی آئی کے دورِ حکومت میں کرپشن کے ریکارڈ قائم کیے گئے، جس کے باعث ملک مہنگائی اور معاشی بحران کی زد میں آ گیا۔ انہوں نے کہا، "پی ٹی آئی نے ترقی کرتی معیشت کو آئی ایم ایف کے حوالے کر دیا، عوام ریلیف سے محروم رہے، اور ملک اندھیروں میں دھکیل دیا گیا۔”
انہوں نے ن لیگ حکومت کی کامیاب پالیسیوں کا ذکر کرتے ہوئے کہا کہ وزیراعظم شہباز شریف کی قیادت میں معیشت کو مستحکم کیا گیا، مہنگائی 38 فیصد سے کم ہو کر 4 فیصد پر آ گئی، اور اسٹاک مارکیٹ 100,000 پوائنٹس سے تجاوز کر چکی ہے۔
مریم اورنگزیب نے مزید کہا کہ پی ٹی آئی حکومت نے خارجہ پالیسی کو نقصان پہنچایا اور دوست ممالک کو ناراض کیا، لیکن ن لیگ حکومت نے ان تعلقات کو دوبارہ مضبوط کیا۔ انہوں نے کہا کہ آئی ایم ایف معاہدے کی خلاف ورزی کے ذریعے ملک کو دیوالیہ کرنے کی کوشش کی گئی، لیکن موجودہ حکومت نے معاشی استحکام کی جانب اہم اقدامات کیے۔
ماحولیاتی مسائل پر بات کرتے ہوئے مریم اورنگزیب نے کہا کہ حکومت بھٹوں کو جدید ٹیکنالوجی پر منتقل کر رہی ہے تاکہ ماحولیاتی آلودگی کو کم کیا جا سکے اور ماحول کا تحفظ یقینی بنایا جا سکے۔