اکوڑہ خٹک کے علاقے حسن درہ میں پولیو ڈیوٹی سے واپس آتے ہوئے موٹر سائیکل سوار پولیس اہلکار فدا حسین پر نامعلوم ملزمان نے فائرنگ کر دی۔ فائرنگ کے نتیجے میں پولیس اہلکار زخمی ہو گیا، جسے فوری طور پر قاضی میڈیکل کمپلیکس منتقل کیا گیا۔
مارسیلو نے ریال میڈرڈ کے ساتھ اپنے شاندار سفر کو یادگار قرار دیا
واقعے کی اطلاع ملتے ہی پولیس حکام موقع پر پہنچے، شواہد اکٹھے کیے، اور ملزمان کی تلاش شروع کر دی گئی۔
یہ واقعہ پولیو ٹیموں پر حملوں کے سلسلے کی تازہ ترین کڑی ہے۔ دو روز قبل خیبر کے علاقے تھانہ ملوارڈ (باڑہ) میں پولیو ٹیم پر دہشت گردوں نے حملہ کیا تھا، جس میں ٹیم محفوظ رہی، جبکہ پولیس کی جوابی کارروائی میں ایک دہشت گرد زخمی ہوا۔
اسی طرح، جمرود کے علاقے سخی پل میں چند دن پہلے نامعلوم افراد نے پولیو ڈیوٹی پر جانے والے پولیس اہلکار عبدالخالق پر فائرنگ کی تھی، جس کے نتیجے میں وہ شہید ہو گئے۔
مزید یہ کہ کرک کے علاقے سرکی لواغر میں بھی مسلح افراد نے پولیس اور پولیو ٹیموں پر فائرنگ کی۔ پولیس کی جوابی کارروائی سے علاقے میں خوف و ہراس پھیل گیا تھا۔