سندھ ہائیکورٹ نے کراچی کے ٹریفک سگنلز پر بھکاریوں کے خلاف سخت کارروائی کا حکم جاری کرتے ہوئے کہا ہے کہ کسی بھی سگنل پر خواجہ سرا، مرد، خواتین یا بچوں کو بھیک مانگتے نہ دیکھا جائے۔
سپریم کورٹ آئینی بنچ کی کسٹمز ڈیوٹی کیس کی سماعت: توہین عدالت کے فیصلے پر اپیل اور نظرثانی کا فیصلہ
آئینی بینچ نے خواجہ سراؤں کے بھیک مانگنے کے خلاف دائر درخواست پر سماعت کرتے ہوئے ڈی آئی جی ٹریفک کو ہدایت دی کہ فوری طور پر ٹریفک سگنلز پر موجود بھکاریوں کے خلاف کارروائی کی جائے۔
عدالت نے قرار دیا کہ بھکاری شہریوں کو نہ صرف پریشان کرتے ہیں بلکہ انہیں ہراساں بھی کرتے ہیں، اس لیے ایسے تمام افراد کے خلاف سخت قانونی کارروائی کی جائے۔
عدالت نے حکام کو یہ بھی متنبہ کیا کہ کراچی کے سگنلز کو بھکاریوں سے صاف رکھنے کے لیے مستقل بنیادوں پر اقدامات کیے جائیں تاکہ شہریوں کو مزید پریشانی کا سامنا نہ کرنا پڑے۔