اسلام آباد: ترجمان وزارت مذہبی امور کے مطابق رواں سال ایک لاکھ 79 ہزار 210 پاکستانی عازمین حج ادا کریں گے، جن کے لیے خصوصی سہولیات اور آسانیاں فراہم کرنے کا فیصلہ کیا گیا ہے۔
190 ملین پاؤنڈ کیس: عدالتی فیصلہ 17 جنوری تک مؤخر، عمران خان کے وکلا اور رہنماؤں کا ردعمل
بہترین سہولیات کی یقین دہانی
ترجمان کے مطابق سعودی وزیر حج نے پاکستانی حجاج کو بہترین سہولیات فراہم کرنے کی یقین دہانی کرائی ہے۔ عازمین کو منیٰ میں خصوصی جگہ دی جائے گی، اور اس کے نرخ کم رکھے جائیں گے تاکہ اخراجات میں کمی ہو سکے۔
مختصر حج پروگرام
وزارت مذہبی امور نے اس سال 20 سے 25 دن کا مختصر حج پروگرام متعارف کرایا ہے تاکہ عازمین کا سفر آرام دہ اور سہل بنایا جا سکے۔ مدینہ منورہ میں قیام کے لیے 4 سے 8 دن کی مدت کا انتخاب عازمین کی سہولت کے مطابق ہو گا۔
خصوصی انتظامات
عازمین کو مخصوص بیگ فراہم کیے جائیں گے جن پر پاکستانی پرچم، کیو آر کوڈ، اور ضروری معلومات درج ہوں گی۔ مزید سہولت کے لیے ایک موبائل ایپ متعارف کرائی گئی ہے جس پر حجاج کو تمام ضروری معلومات فراہم کی جائیں گی۔