انسداد منشیات فورس (اے این ایف) کا منشیات اسمگلنگ کے خلاف ملک بھر میں کریک ڈاؤن جاری ہے۔ 11 مختلف کارروائیوں کے دوران 8 ملزمان کو گرفتار کر کے 712.938 کلو گرام منشیات برآمد کی گئیں، جن کی مالیت 12 کروڑ روپے سے زائد ہے۔
سندھ بلوچستان بارڈر پر رینجرز اور کسٹمز کی کارروائی، کروڑوں روپے کا اسمگل شدہ سامان برآمد
تعلیمی اداروں میں کارروائیاں:
اے این ایف نے اٹک میں ایک یونیورسٹی کے قریب کارروائی کرتے ہوئے ایک ملزم سے 19 گرام آئس برآمد کی۔ گرفتار ملزم نے تعلیمی اداروں کے طلبہ کو منشیات فروخت کرنے کا اعتراف کیا۔
دیگر کارروائیاں:
کراچی: انٹرنیشنل ایئرپورٹ پر جدہ جانے والے مسافر سے 3 کلو آئس برآمد۔
اسلام آباد: کوریئر آفس سے نیوزی لینڈ بھیجے جانے والے پارسل میں 970 گرام آئس برآمد۔
لاہور: کوریئر آفس میں برطانیہ بھیجے جانے والے پارسل میں لیڈیز بیگ سے 199 گرام ہیروئن برآمد۔
چمن: غیر آباد علاقے سے چھپائی گئی 500 کلو چرس برآمد۔
قصور: چونیاں بائی پاس پر فیکٹری کے قریب گاڑی سے 80.4 کلو چرس اور 45.6 کلو افیون برآمد، ملزم گرفتار۔
کوئٹہ: کچلاک بائی پاس کے قریب سے 38 کلو ہیروئن برآمد۔
خانیوال: شامکوٹ موٹر وے ٹول پلازہ کے قریب گاڑی کے خفیہ خانوں سے 36 کلو چرس برآمد، 2 ملزمان گرفتار۔
کوہاٹ: درہ آدم خیل سے 6 کلو چرس برآمد۔
مانسہرہ: کے کے ایچ روڈ کے قریب گاڑی سے 1.8 کلو چرس برآمد، 2 ملزمان گرفتار۔
راولپنڈی: جی ٹی روڈ پر کارروائی میں ملزم سے 950 گرام آئس برآمد۔
گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات شروع کر دی گئی ہیں۔
