-
کراچی: چیف آف دی نیول اسٹاف ایڈمرل نوید اشرف نے کراچی ایکسپو سینٹر میں جاری بین الاقوامی دفاعی نمائش اور سیمینار "آئیڈیاز 2024” کا دورہ کیا۔ پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق، ایڈمرل نوید اشرف نے نمائش میں شریک غیر ملکی عسکری حکام، دفاعی صنعت کے نمائندگان اور دیگر شرکاء سے ملاقاتیں کیں۔
اے وی ایل سی اور سی آئی اے کی کاروائی، کورنگی سے چھینی جانے والی ٹویوٹا کرولا ایک گھنٹے میں برآمد
ملاقاتوں میں بحری دفاعی ٹیکنالوجی میں ترقی، عالمی دفاعی رجحانات اور مستقبل میں تعاون کے امکانات پر تبادلہ خیال کیا گیا۔ ایڈمرل نے علاقائی سلامتی کو مستحکم کرنے میں بین الاقوامی شراکت داری کی اہمیت پر زور دیا۔
آئی ایس پی آر کے مطابق، نیول چیف کا آئیڈیاز 2024 کا دورہ پاکستان کی دفاعی صلاحیتوں کو مزید بڑھانے اور عالمی دفاعی شراکت داروں کے ساتھ تعاون کو فروغ دینے کے عزم کا مظہر ہے۔
