تشکر نیوز: شہر میں جاری آئیڈیاز دفاعی نمائش کے دوران سیکیورٹی خدشات کے پیش نظر ایڈیشنل آئی جی کراچی نے تمام زونل افسران کو سخت سیکیورٹی کے اقدامات کی ہدایت دے دی ہے۔
ایڈیشنل آئی جی کراچی نے جاری کردہ لیٹر میں کہا کہ کوریئر سروس اور فوڈ ڈیلیوری کے ذریعے دہشت گردی کا خطرہ ہو سکتا ہے، اور اس دوران ایکسپو سینٹر اور اس کے اطراف دہشت گرد کوئی کارروائی کر سکتے ہیں۔ انہوں نے اس ضمن میں خصوصی طور پر فوڈ ڈیلیوری اور کوریئر سروس والوں کو سرچ کرنے کی ہدایت بھی دی ہے۔
ایڈیشنل آئی جی نے ایکسپو سینٹر اور اس کے اطراف میں ویجلنس اور سیکیورٹی کو مزید بڑھانے کا حکم بھی دیا تاکہ کسی بھی ناخوشگوار واقعے سے بچا جا سکے اور شہر میں ہونے والی نمائش کے دوران شرکاء کی حفاظت کو یقینی بنایا جا سکے۔
