کراچی (تشکر نیوز) – پاکستان کا پہلا میری ٹائم سائنس اینڈ ٹیکنالوجی پارک (پی ایم ایس ٹی پی) کی گراؤنڈ بریکنگ تقریب کراچی کے ایکسپو سینٹر میں آئیڈیاز 2024 کے دوران منعقد ہوئی۔ چیف آف دی نیول اسٹاف ایڈمرل نوید اشرف نے تقریب میں بطور مہمان خصوصی شرکت کی اور اس منصوبے کی اہمیت پر روشنی ڈالی۔
گورنر سندھ کامران خان ٹیسوری کا خیرپور شوگر جونیئر اوپن اسکواش چیمپئن شپ کے فائنل میچ میں شرکت
ایڈمرل نوید اشرف نے خطاب کرتے ہوئے کہا کہ پاکستان میری ٹائم سائنس اینڈ ٹیکنالوجی پارک ملک کی معیشت اور بحری شعبے کی ترقی کے لیے سنگ میل ثابت ہو گا۔ انہوں نے مزید کہا کہ یہ پارک پاکستان کی جی ڈی پی کو بڑھانے اور بحری صنعت کو نئی بلندیوں تک پہنچانے کے لیے ایک اہم قدم ثابت ہوگا۔
پاکستان میری ٹائم سائنس اینڈ ٹیکنالوجی پارک ملک کا پہلا میری ٹائم سائنس پارک ہے، جو علم، صنعت اور حکومت کے درمیان تعاون کو فروغ دے گا۔ اس پارک کے ذریعے بحری ٹیکنالوجیز، آرٹیفیشل انٹیلیجنس، سائبر سیکیورٹی، اوشن رینیوایبل انرجی، سی فوڈ پروسیسنگ، جہاز سازی اور ساحلی سیاحت جیسے شعبوں میں ترقی کی جائے گی۔
گورننگ اور ترقیاتی منصوبے میں کراچی کے علاوہ اسلام آباد، لاہور اور گوادر میں توسیع کا بھی منصوبہ ہے، جو پاکستان کی بلیو اکانومی کو مزید تقویت دے گا اور ملک کو عالمی سطح پر میری ٹائم سائنس میں نمایاں مقام دلائے گا۔
