ساوتھ زون پولیس نے "عوامی اجتماعات سے برتاؤ کی تربیت” کے عنوان سے ایک روزہ سیمینار کا انعقاد کیا، جو گارڈن ہیڈ کوارٹر کے آڈیٹوریم میں قانون میرا محافظ نامی این جی او کے تعاون سے ڈی آئی جی ساوتھ اسد رضا کی نگرانی میں منعقد ہوا۔
وزیر داخلہ سندھ ضیاءالحسن لنجار کا کشمیر پر بھارتی جارحیت کی 77ویں سالگرہ پر پیغام
سیمینار میں قانون میرا محافظ کی صدر فوزیہ طارق نے لیڈی پولیس افسران کو خصوصی لیکچر دیا۔ تربیتی سیشن میں ساوتھ زون پولیس کی لیڈی افسران کو پریزنٹیشنز اور لیکچرز کے ذریعے آگاہ کیا گیا۔
ڈی آئی جی ساوتھ سید اسد رضا نے کہا کہ مظاہرین سے نمٹنا پولیس کے لیے سب سے بڑا چیلنج ہے۔ انہوں نے مزید کہا کہ لوگوں کے حقوق کا علم ہونا ضروری ہے، اور پبلک اور حکومتی پراپرٹی کو مظاہروں کے دوران نقصان سے محفوظ رکھنا پولیس کی بنیادی ذمہ داری ہے۔
اسد رضا نے یہ بھی کہا کہ مظاہرین سے بات چیت کرنا پولیس کا پہلا قدم ہونا چاہیے، اور ہمارا کام آپ کو فورس کے استعمال کے لیے تربیت دینا ہے۔ یہ تربیت آپ کو فیلڈ میں بہتر طریقے سے کام کرنے کے قابل بنائے گی۔