تشکر نیوز: ڈسٹرکٹ سینٹرل پولیس نے بالا افسران کی ہدایات پر لسٹڈ نارکوٹکس ڈیلرز کے خلاف کریک ڈاؤن جاری رکھتے ہوئے جوہر آباد پولیس نے خفیہ اطلاع پر دو مطلوبہ ملزمان کو گرفتار کرلیا ہے۔
کراچی: ملائیشیا اور پاکستان کے درمیان اقتصادی تعاون کا نیا سنگ میل
ایس ایس پی ڈسٹرکٹ سینٹرل زیشان شفیق صدیقی کے ترجمان کے مطابق گرفتار ملزمان نارکوٹکس ڈیلرز کی لسٹ میں شامل تھے اور جوہر آباد پولیس کو مطلوب تھے۔ ان کی گرفتاری غلام سرور شہید بلاک 15، ایف بی ایریا، جوہر آباد کے حدود میں عمل میں آئی۔
گرفتار ملزمان کی تفصیلات:
- صدارت ولد حیدر زمان
- برآمدگی: 130 گرام چرس، 270 روپے نقدی
- آصف عرف کاکا ولد کالے خان
- برآمدگی: 125 گرام چرس، 230 روپے نقدی
گرفتار ملزمان کے خلاف مقدمہ الزام نمبر 307/2024 بجرم دفعہ 9(a)1 اور 3 نارکوٹکس ایکٹ کے تحت درج کرکے تفتیش کا آغاز کردیا گیا ہے، جبکہ ملزمان کا سابقہ کریمنل ریکارڈ بھی چیک کیا جارہا ہے۔
پولیس کے ترجمان نے بتایا کہ ضلع سینٹرل پولیس منشیات فروشوں کے خلاف کارروائیوں کو مزید تیز کرنے کے لیے پرعزم ہے۔