تشکرنیوز: معروف مذہبی سکالر ڈاکٹر ذاکر نائیک نے پاکستان کا دورہ کرنے کا اعلان کیا ہے۔ وہ لاہور، کراچی اور اسلام آباد میں مختلف مذہبی اجتماعات سے خطاب کریں گے۔ ان کی تقریبات 6 اور 7 اکتوبر کو کراچی، 12 اور 13 اکتوبر کو لاہور، اور 19 اور 20 اکتوبر کو اسلام آباد میں ہوں گی۔
پاکستان: سوشل میڈیا ایپ “ایکس” کی بندش کے پس منظر میں حکومتی اقدامات
ڈاکٹر نائیک نے اپنے دورے کے دوران عوام کے سوالات کے جوابات دینے کا بھی اعلان کیا ہے۔ انہوں نے سماجی رابطے کی ویب سائٹ ایکس پر اپنے آفیشل اکاؤنٹ کے ذریعے پاکستان آمد کا اعلان کرتے ہوئے کہا کہ وہ حکومت پاکستان کی خصوصی دعوت پر یہاں آ رہے ہیں۔
ڈاکٹر ذاکر نائیک کو دنیا بھر میں ان کی بے پناہ مذہبی خدمات کی وجہ سے جانا جاتا ہے، اور ان کے اجتماعات نے بے شمار لوگوں کو دائرہ اسلام میں داخل کرنے میں اہم کردار ادا کیا ہے۔ یہ دورہ مذہبی تعلیمات کی ترویج اور بین الاقوامی سطح پر اسلامی دعوت و تبلیغ کے سلسلے میں اہمیت کا حامل ہے۔