تشکر نیوز: ادارہ شماریات کی جانب سے جاری کردہ ہفتہ وار رپورٹ کے مطابق ملک میں مہنگائی کی مجموعی شرح میں 0.52 فیصد کمی ریکارڈ کی گئی، جس کے بعد یہ شرح 12.72 فیصد تک پہنچ گئی ہے۔ رپورٹ کے مطابق ایک ہفتے کے دوران 17 اشیاء کی قیمتوں میں اضافہ، 15 اشیاء کی قیمتوں میں کمی، اور 19 اشیاء کی قیمتوں میں استحکام رہا۔
ایف آئی اے نے 72 اشتہاریوں کے بینک اکاؤنٹس منجمد کرنے کا فیصلہ کرلیا
مہنگی ہونے والی اشیاء:
- زندہ مرغی کی قیمت میں فی کلو 6 روپے 50 پیسے کا اضافہ ہوا۔
- دال چنا کی قیمت میں فی کلو 3 روپے 23 پیسے کا اضافہ ہوا۔
- انڈے فی درجن 2 روپے 10 پیسے تک مہنگے ہوئے۔
- لہسن کی فی کلو قیمت میں 3 روپے 59 پیسے کا اضافہ ہوا۔
- چاول، دودھ، دہی، مٹن اور بیف بھی مہنگی ہونے والی اشیاء میں شامل ہیں۔
سستی ہونے والی اشیاء:
- پٹرول کی قیمت میں 10 روپے فی لیٹر اور ہائی اسپیڈ ڈیزل میں 13 روپے کی کمی ہوئی۔
- پیاز کی قیمت فی کلو 7 روپے جبکہ ٹماٹر کی فی کلو قیمت میں 3 روپے 70 پیسے کی کمی ہوئی۔
- چینی کی قیمت میں 1 روپے فی کلو کمی آئی جبکہ ایل پی جی کا گھریلو سلنڈر 18 روپے تک سستا ہوا۔
- دال مونگ، دال ماش، آلو، آٹا، اور سگریٹ بھی سستی ہونے والی اشیاء میں شامل ہیں۔
اس ہفتہ وار کمی کے باوجود مہنگائی کے مسائل عوام کے لیے بدستور ایک چیلنج ہیں۔
