تشکر نیوز: نیو کراچی انڈسٹری ایریا پولیس نے خفیہ اطلاع پر گٹکے اور ماوے کے منی کارخانوں کے خلاف بڑی کارروائیاں کی ہیں۔ ان کارروائیوں کے دوران تین انتہائی مطلوب ملزمان کو گرفتار کیا گیا ہے۔
سندھ کے سینئر وزیر شرجیل انعام میمن کی سندھ اسمبلی میں میڈیا سے گفتگو
ایس ایس پی سینٹرل زیشان شفیق صدیقی کی ہدایت پر گٹکا ماوا فروشوں کے خلاف مختلف مقامات پر کارروائیاں کی گئیں۔
پہلی کارروائی:
پولیس نے اندرون مکان نمبر A134، سیکٹر 11/G، نزد بادشاہ ہوٹل پر کارروائی کرتے ہوئے دو ملزمان، یاسین عرف بابو اور سلیم چماچی، کو گرفتار کیا۔ یہ ملزمان نیو کراچی انڈسٹریل ایریا کی حدود میں مضر صحت گٹکا ماوا تیار کرکے فروخت کرنے میں ملوث تھے۔
گرفتار ملزمان سے برآمد ہونے والی اشیاء کی تفصیل:
- 20 کلوگرام گیلی چھالیا (دو بالٹیوں میں)
- 100 عدد تیار گٹکا ماوا کی پڑیاں
- 2 کلوگرام چونا
- 2 کلوگرام کتھا
- تمباکو پتی، پلاسٹک کے شاپر، کمپیوٹرائزڈ کانٹا، اور دیگر اشیاء۔
دوسری کارروائی:
پولیس نے کچی آبادی سیکٹر 5 ایف، خمیسو گوٹھ میں کارروائی کرتے ہوئے ایک ملزم سہیل عرف لکی کو گرفتار کیا۔ ملزم خفیہ طور پر اندرون مکان میں گٹکا ماوا بنانے میں ملوث تھا۔
گرفتار ملزم سے برآمد اشیاء:
- 5 کلوگرام تیار شدہ گٹکا ماوا
- 2 کلوگرام چونا (ایک بالٹی میں)
- 1 کلوگرام کتھا (ایک بالٹی میں) اور دیگر سامان۔
گرفتار ملزمان کے خلاف گٹکا ماوا ایکٹ کے تحت مقدمات درج کیے گئے ہیں (مقدمہ نمبر 553/2024 اور 554/2024) اور تفتیش کا آغاز کر دیا گیا ہے۔ ملزمان کا سابقہ کریمینل ریکارڈ بھی حاصل کیا جا رہا ہے۔