تشکر نیوز: سلطانہ آباد کے علاقے میں بدھ کی صبح نامعلوم مسلح افراد نے گھر میں گھس کر فائرنگ کی، جس کے نتیجے میں 45 سالہ شمروز خان جاں بحق ہوگئے۔ مقتول، جو دو بچوں کے باپ تھے، کا تعلق ضلع کوہاٹ کرک سے تھا اور وہ ان دنوں بیماری کی وجہ سے گھر پر ہی موجود تھے۔
پولیس کے مطابق واقعہ ڈاکس تھانے کی حدود میں پیش آیا، جہاں ملزمان رات ساڑھے 4 بجے کے قریب شمروز خان کے گھر میں داخل ہوئے اور ان کی بیوی کے سامنے سر پر گولی مار کر انہیں قتل کر دیا۔ فائرنگ کے بعد ملزمان فرار ہوگئے۔ ایس ایچ او نفیس الرحمٰن نے بتایا کہ واقعہ ذاتی دشمنی کا نتیجہ معلوم ہوتا ہے۔ پولیس نے شواہد جمع کر کے تفتیش شروع کر دی ہے، جبکہ لاش قانونی کارروائی کے لیے سول اسپتال منتقل کر دی گئی ہے۔