واٹس ایپ میں 2 نئے بہترین فیچرز کا اضافہ ہونے جارہا ہے

تشکر نیوز: واٹس ایپ میں 2 نئے اور کارآمد فیچرز شامل کیے جا رہے ہیں جو صارفین کی زندگی کو مزید آسان بنائیں گے۔ ان میں سے ایک فیچر صارفین کی سکیورٹی اور پرائیویسی کو بہتر بنانے کے لیے ہے، جبکہ دوسرا اسٹیٹس پر جذبات کے اظہار کے لیے کام آئے گا۔

پاکستان نیوی نے ساحلی علاقوں میں مفت طبی کیمپ کا انعقاد کیا

واٹس ایپ دنیا بھر میں 2 ارب سے زائد افراد استعمال کرتے ہیں، اور اکثر صارفین نامعلوم اکاؤنٹس سے آنے والے پیغامات کی وجہ سے پریشان رہتے ہیں۔ اسی پریشانی کو مدنظر رکھتے ہوئے میٹا کی زیر ملکیت میسجنگ ایپ نے نیا فیچر "بلاک ان نون اکاؤنٹ میسجز” متعارف کرایا ہے۔

یہ فیچر اینڈرائیڈ ڈیوائسز کے لیے واٹس ایپ کے نئے بیٹا ورژن میں شامل کیا گیا ہے اور اس کے ذریعے صارفین نامعلوم اکاؤنٹس سے آنے والے پیغامات کو بلاک کر سکیں گے۔ یہ فیچر خودکار طور پر نامعلوم اکاؤنٹس کے میسجز کو بلاک کر دے گا جب ان کی تعداد ایک مخصوص حد سے زیادہ ہو جائے گی۔ تاہم، اس فیچر پر ابھی کام جاری ہے اور یہ بیٹا ورژن استعمال کرنے والے صارفین کے لیے بھی مکمل طور پر دستیاب نہیں ہے۔

دوسرا فیچر "اسٹیٹس اپ ڈیٹس پر کوئیک ری ایکشن” کا ہے۔ اس فیچر کے ذریعے صارفین کسی بھی اسٹیٹس پر فوری طور پر ردعمل ظاہر کر سکیں گے۔ جب کوئی صارف کسی اسٹیٹس کو دیکھے گا تو وہ ریپلائی ٹیکسٹ باکس کے ساتھ موجود ہارٹ کی شکل کے بٹن پر کلک کر کے اسے لائیک کر سکے گا۔ جیسے ہی کوئی صارف آپ کے اسٹیٹس پر ری ایکٹ کرے گا، آپ اسے اسٹیٹس ویورز لسٹ میں دیکھ سکیں گے، بالکل انسٹاگرام اسٹوریز کی طرح۔

یہ فیچر بھی اینڈرائیڈ ڈیوائسز کے بیٹا ورژن میں شامل کیا گیا ہے اور جلد ہی تمام صارفین کے لیے دستیاب ہو گا۔