تشکر نیوز: میجر طفیل محمد شہید (نشان حیدر) کی برسی کے موقع پر 13 پنجاب رجمنٹ کے افسروں اور سپاہیوں نے ایک پیغام جاری کیا ہے۔ انہوں نے کہا کہ وطن کی دفاع کی کہانی پاکستان کے قیام سے جاری ہے، اور اس مقدس مقصد کے لیے بہت سے پاکستانی شہداء نے اپنی جانوں کی قربانی دی۔ ان عظیم شہداء میں میجر طفیل محمد بھی شامل ہیں، جنہیں بہادری اور شجاعت کے اعتراف میں نشان حیدر سے نوازا گیا۔
میجر طفیل محمد نے 1943ء میں پاکستان آرمی کی مایہ ناز پنجاب رجمنٹ میں کمیشن حاصل کیا اور مشرقی پاکستان کے علاقے لکشمی پور میں جرات و بہادری کی مثال قائم کی۔ انہوں نے بھارتی چوکیوں کا صفایا کیا اور جنگ کے دوران ملک کی عزت، شان اور حفاظت کرتے ہوئے جام شہادت نوش کیا۔
کراچی: ایک گھنٹے میں پانچ مبینہ پولیس مقابلے، 8 ملزمان گرفتار
لیفٹیننٹ کرنل یاور نسیم خان نے کہا کہ میجر طفیل محمد شہید کی بہادری کو یاد کرتے ہوئے بتایا کہ ان کی یونٹ کو حیدر نشان بٹالین کے نام سے جانا جاتا ہے۔ انہوں نے کہا کہ حیدر نشان بٹالین کا حصہ ہونا نہ صرف میرے لیے بلکہ پاک فوج کے ہر افسر اور جوان کے لیے فخر کی بات ہے، یہ اعزاز ہماری یونٹ کی بے مثال قربانیوں اور شجاعت کی علامت ہے۔
لیفٹیننٹ کرنل خان نے مزید کہا کہ یہ یونٹ ہمیں ہر قسم کی قربانی دینے کی یاددہانی کرواتی ہے۔ میجر طفیل محمد شہید کا نام بہادری اور قربانی کی داستانوں میں سنہری حروف میں لکھا جاتا ہے۔ 1958ء میں لکشمی پور کے محاذ پر میجر طفیل محمد نے دشمن کے خلاف بے مثال دلیری کا مظاہرہ کیا، ان کی قربانی اور مشن انتہائی خطرناک تھا لیکن انہوں نے اپنی جان کی پرواہ کیے بغیر دشمن کی صفوں میں گھس کر ان کے مورچوں کو نشانہ بنایا۔
سیکنڈ لیفٹیننٹ احمد نے کہا کہ میجر طفیل محمد شہید کی عظیم قربانی ہمیں اس بات کا احساس دلاتی ہے کہ ہمیں ان کے نقش قدم پر چل کر پاکستان کا نام روشن کرنا ہے۔ نائب صوبیدار گل نے کہا کہ حیدر نشان بٹالین کا حصہ ہونا میرے لیے ایک بڑے اعزاز کی بات ہے، اور ہمارے شہداء کی قربانیاں ہمیں اپنی ذمہ داریوں کا احساس دلاتی ہیں۔
حوالدار ندیم نے کہا کہ میجر طفیل محمد شہید کی قربانیوں کے اعزاز کو برقرار رکھنے کے لیے اس یونٹ کے ہر جوان کو سخت ٹریننگ کے مراحل سے گزارا جاتا ہے۔ میجر طفیل محمد اور دیگر شہداء نے اپنی لازوال قربانیوں سے آنے والی نسلوں کے لیے عظیم مثال قائم کی ہے۔
سپاہی سجاول نے کہا کہ میجر طفیل محمد شہید کی قربانی ہمارے اندر حب الوطنی اور فرض شناسی کا جذبہ اجاگر کرتی ہے۔ میجر طفیل محمد شہید نشان حیدر ہماری تاریخ کا ایک عظیم سرمایہ ہیں جن کی قربانی ہمیشہ یاد رکھی جائے گی۔