تشکر نیوز: ملک بھر میں بجلی صارفین کی شکایات کے اندراج کے لیے ایک نئی موبائل ایپلیکیشن تیار کر لی گئی ہے۔ نیپرا بدھ کو "نیپرا آسان اپروچ” کے نام سے اس ایپلیکیشن کا افتتاح کرے گا۔ صارفین اس ایپ کے ذریعے بجلی کے مسائل، جیسے بجلی کی بندش، وولٹج میں اتار چڑھاؤ، برقی آگ، لائن کی خرابی اور بلنگ میں تضاد سے متعلق اپنی شکایات کم سے کم وقت میں درج کرا سکیں گے۔
کے ڈی اے کا ناظم آباد میں غیر قانونی تعمیرات کے خلاف بڑا آپریشن، مزاحمت پر پولیس کی کارروائی
ترجمان نیپرا نے کہا کہ یہ ایپلیکیشن ملک بھر میں بجلی کے صارفین کو بہتر خدمات فراہم کرنے کے لیے نیپرا کی حکمت عملی کا ایک اہم حصہ ہے۔ "نیپرا آسان اپروچ” کا صارف دوست انٹرفیس شکایات درج کرنے کے عمل کو آسان بناتا ہے اور صارفین کو اپنے مسائل کی رئیل ٹائم میں پیش رفت کو ٹریک کرنے کی سہولت فراہم کرتا ہے، جس سے شکایات درج کرنے میں بہتری اور سہولت حاصل ہوتی ہے۔
بدھ کو ایپلیکیشن کا باقاعدہ آغاز کیا جائے گا، اور اس نئی ٹیکنالوجی سے ملک بھر کے صارفین کی شکایات کے مؤثر حل میں مدد ملے گی۔