تفصیلات کے مطابق الیکشن کمیشن کا دوبارہ انٹرا پارٹی الیکشن کرانے کا فیصلہ پی ٹی آئی اور سابق چیئرمین تحریک انصاف عمران خان کی جانب سے لاہور ہائیکورٹ میں چیلنج کیا گیا ہے ،دائر کی گئی درخواست میں الیکشن کمیشن کو فریق بنایا گیا ،درخواست میں مؤقف اختیار کیا گیا کہ گزشتہ برس دس جون کو قانون اور آئین کے مطابق انٹرا پارٹی الیکشن کرائے،الیکشن کمیشن نے بیس دن کے اندر دوبارہ انٹرا پارٹی الیکشن کرانے کا غیر قانونی حکم دیا،الیکشن کمیشن کا حکم غیر قانونی اور آئین کے بھی منافی ہے۔
استدعا کی کہ لاہور ہائیکورٹ الیکشن کمیشن کا دوبارہ انٹرا پارٹی الیکشن کرانے کا حکم کالعدم قرار دے اور عدالت دس جون دو ہزار بائیس کو کرائے گئے انٹرا پارٹی الیکشن کودرست قرار دے۔