کراچی: کمشنر کراچی کی ہدایت پر صدر میں تین اہم شاہراہوں پر غیر قانونی تجاوزات کے خلاف بڑا آپریشن کیا گیا۔
اسسٹنٹ کمشنر صدر حازم بھنگوار کی نگرانی میں انتظامیہ نے دائود پوتا روڈ، غزنفر روڈ اور میر کرم علی تالپور روڈ پر کارروائی کی۔
تین شاہراہوں سے تجاوزات ختم
انتظامیہ نے دائود پوتا روڈ پر کارروائی کرتے ہوئے غیر قانونی تجاوزات ختم کردیں اور متاثرہ مقامات کو کلیئر کردیا۔
غزنفر روڈ پر بھی تجاوزات کے خلاف کارروائی کی گئی۔ اس دوران تجاوزات سے متعلق سامان ضبط کرلیا گیا۔
میر کرم علی تالپور روڈ پر عوامی مقامات اور فٹ پاتھوں پر قائم غیر قانونی تجاوزات بھی ہٹا دی گئیں۔
8 ٹرک سامان ضبط
اسسٹنٹ کمشنر صدر حازم بھنگوار کے مطابق کارروائیوں کے دوران 8 ٹرک سامان ضبط کیا گیا۔
انہوں نے کہا کہ صدر کے فٹ پاتھوں پر غیر قانونی تجاوزات کے باعث شہریوں کو مشکلات کا سامنا تھا۔
حازم بھنگوار کے مطابق انتظامیہ صدر سے تجاوزات کے خاتمے کے لیے پرعزم ہے۔ غیر قانونی تجاوزات کے خلاف کارروائیاں آئندہ بھی جاری رہیں گی۔
