وفاقی وزیر خزانہ محمد اورنگزیب نے کہا ہے کہ ملکی معیشت کو مستحکم کرنے اور پائیدار ترقی کی جانب بڑھنے کے لیے نجی شعبے کا کردار سب سے زیادہ اہم ہے۔
کراچی میں میڈیا سے گفتگو کرتے ہوئے وزیر خزانہ نے کہا کہ جیسے جیسے معیشت سنبھلے گی اور مستقل ترقی کی راہ پر گامزن ہوگی، ملک کو آگے بڑھانے میں نجی شعبے کو قیادت کرنا ہوگی۔
انہوں نے مزید کہا کہ آرٹیفیشل انٹیلی جنس (اے آئی) کی بدولت ترقی کے بے شمار نئے مواقع پیدا ہو رہے ہیں، تاہم محنت کا کوئی نعم البدل یا شارٹ کٹ موجود نہیں ہے۔
محمد اورنگزیب نے سیاحت کے فروغ کو معیشت کے لیے نہایت اہم قرار دیتے ہوئے کہا کہ اس شعبے میں بے شمار مواقع چھپے ہیں۔ ان کے مطابق سیاحت کے فروغ کے لیے ہر طبقہ فکر اور ہر مذہب سے تعلق رکھنے والے افراد کو مل کر کام کرنا ہوگا تاکہ پاکستان میں نئے مواقع پیدا کیے جا سکیں۔