کراچی (اسٹاف رپورٹر) ایس ایچ او تھانہ پاپوش نگر شوکت حیات اعوان نے عوام سے اپیل کی ہے کہ یومِ آزادی کو خوشیوں، محبت اور اتحاد کے ساتھ منائیں اور خطرناک رسموں کو ترک کریں۔ انہوں نے کہا کہ ہوائی فائرنگ خوشی کا اظہار نہیں بلکہ جان لیوا غلطی ہے جس سے ہر صورت پرہیز کیا جائے۔
ایس ایچ او شوکت حیات اعوان کا کہنا تھا کہ 14 اگست کا دن ہمیں قربانیوں اور اتحاد کی یاد دلاتا ہے، اس دن کو امن و سلامتی کے ساتھ منانا ہم سب کی ذمہ داری ہے۔ انہوں نے خبردار کیا کہ ہوائی فائرنگ نہ صرف جان لیوا ہے بلکہ معاشرتی امن کے لیے بھی بڑا خطرہ ہے۔
انہوں نے کہا کہ پولیس عوام کے تحفظ کے لیے ہر وقت تیار ہے اور قانون توڑنے والوں کو کسی قسم کی رعایت نہیں دی جائے گی۔ امن کے دشمن سخت قانونی گرفت میں آئیں گے۔