کراچی (اسٹاف رپورٹر) 4 اگست کو ملک بھر میں یومِ شہداء پولیس کے موقع پر اسپیشل انویسٹیگیشن یونٹ (SIU) کے افسران نے پولیس کے شہداء کے اہل خانہ سے ملاقات کی اور انہیں یومِ شہداء کی مرکزی تقریب کا دعوت نامہ پیش کیا۔ ملاقات کے دوران تحائف بھی پیش کیے گئے۔
کراچی: “جذبہٗ آزادی” تقریب سے 78ویں یومِ آزادی کی تقریبات کا باضابطہ آغاز
ترجمان ایس ایس پی SIU / CIA محمد شعیب میمن کے مطابق،
"شہداء پولیس ہماری قوم کا قابلِ فخر اثاثہ ہیں، اور شہید کبھی مرتے نہیں، وہ ہمیشہ زندہ رہتے ہیں۔”
اس موقع پر ڈی ایس پی آپریشن واصف قریشی، ڈی ایس پی انویسٹیگیشن سہیل اور دیگر افسران بھی ہمراہ تھے۔
ایس آئی یو کی جانب سے یہ دورہ پولیس شہداء کی قربانیوں کو سلام پیش کرنے اور ان کے اہل خانہ کے حوصلے کو سراہنے کے جذبے کے تحت کیا گیا۔
واضح رہے کہ 4 اگست کو ملک بھر میں یومِ شہداء پولیس منایا جاتا ہے، جس میں پولیس کے ان بہادر سپاہیوں کو یاد کیا جاتا ہے جنہوں نے جان کا نذرانہ دے کر عوام کے جان و مال کا تحفظ یقینی بنایا۔
